Kru Srey Kromom 44939

You are not connected. Please login or register

 » ♥ ~ General ~ ♥ » Buddhism » Kru Srey Kromom

Kru Srey Kromom

Go down  Message [Page 1 of 1]

1Kru Srey Kromom Empty Kru Srey Kromom on 7th September 2015, 11:35 pm

sreymomrith

sreymomrith
Administrator
Administrator
អ្នកស្រុក​ផ្អើល ​កាន់តែ​ច្រើន​ទៅ​ៗ សំរុក​នាំ​គ្នា​ទៅ​ឱ្យ ​គ្រូ​ស្រី​ក្រមុំ​ ព្យាបាល​ជម្ងឺ


ខេត្ត​ព្រៃវែង ៖ អ្នកស្រុក​ទាំង​ក្មេង​ទាំង​ចាស់ ទាំងប្រុស​ទាំងស្រី​រាប់រយ​ពាន់​នាក់ បាន​ផ្អើល​ភ្លូកទឹកភ្លូកដី នាំ​គ្នា​ទៅឱ្យ​គ្រូ​ស្រី​ល្បី​ បារមី​អ្នក​សច្ចំ​សណ្ឋិត ជួយ​ព្យាបាល​ជម្ងឺ ដោយសារ​តែល្បី​ត​ៗ​គ្នា​ថា អ្នក​ដែល​បាន​មក​ជួប​និង​ផឹកថ្នាំ​របស់​គ្រូ​ស្រី​ក្រមុំ​ម្នាក់​នេះ​ហើយ ទោះជា​ជម្ងឺ​ឈឺ​រ៉ាំរ៉ៃ​រាប់​ឆ្នាំ​ហើយ​ក៏​ដោយ ក៏​អាច​ជា​សះស្បើយ​ដែរ​។

ក្នុង​ចំណោម​មនុស្ស​ រាប់រយ​ពាន់​នាក់ ដែល​កំពុង​ឈរ​ប​ញ្ជ្រៀ​ត​គ្នា រង់​ចាំ​ការ​ពិនិត្យ​ និង​ប្រាប់​ថ្នាំ​ព្យាបាល​ពី​សំណាក់​គ្រូ​ស្រី​ក្រមុំ អ៊ំ​ស្រី វ៉ា​ន់ សា​រ៉ុ​ន អាយុ​៥២​ឆ្នាំ ​បានឱ្យ​កោះសន្តិភាព​ដឹង​ថា ដោយសារ​តែ​មនុស្ស​ច្រើន​ពេក រូប​គាត់​បាន​មក​ឈរ​ប​ញ្ជ្រៀ​ត​គ្នា ​រង់​ចាំឱ្យ​គ្រូ​ពិនិត្យអស់​រយៈពេល​២​ថ្ងៃ​ទើបបាន​ជួប​គ្រូ និង​ទទួល​បានការ​ពិនិត្យ ចំណែក​អ្នក​ផ្សេង​ទៀត​ក៏​មិន​ខុស​ពី​គាត់​ដែរ អ្នកខ្លះ​ឈរ​ចាំ​១​ថ្ងៃ ២​ថ្ងៃ និង​រហូត​ដល់​៣​ថ្ងៃ​ក៏​មាន ប៉ុន្តែ​អ្នកខ្លះ​មាន​និស្ស័យ​ ជាមួយ​គ្រូ គ្រាន់តែ​មក​ដល់​ភ្លាម​គ្រូ​ឃើញ ​ហៅ​ចូល​ពិនិត្យ​ភ្លាម​ក៏​មាន​ដែរ​។

ចំពោះ​ឱស​ថ​ព្យាបាល ​ជម្ងឺ​របស់​គ្រូ​ស្រី​ក្រមុំ​នេះ គឺ​មិន​ខុស​ប្លែក​អ្វី​ពី​គ្រូថ្នាំ​ខ្មែរ​ ដទៃ​ៗ​ទៀត​នោះទេ គឺ​ប្រើប្រាស់​រុក្ខជាតិ​ធ្វើ​ជា​ឱស​ថ​សុទ្ធសាធ ប៉ុន្តែ​មុន​ពេល​យក​ទៅ​ដាំទឹក​ផឹក អ្នកជម្ងឺ​ត្រូវ​យក​រុក្ខជាតិ​ទាំងនោះ​មក​ឱ្យ​គ្រូ​សូត្រ​បាលី​ប្រសិទ្ធី​ជា ​មុន​សិន ទើប​យក​ទៅ​ផឹក​ពូកែ​សក្តិ​សិទ្ធិ​ និង​ជា​សះស្បើយ​ជម្ងឺ​​ ហើយ​អ្វី​ដែល​ធ្វើ​ឱ្យ អ្នកស្រុកនាំ​គ្នា​ជឿជាក់​ភ្លូកទឹកភ្លូកដី​នោះ គឺ​វិធី​ព្យាបាល​ជម្ងឺ​របស់​គ្រូ​ស្រី ​ដែល​មាន​ភាព​មហស្ចារ្យ​ជាងគេ គឺ​មិន​ចាំបាច់​ពិនិត្យ ស្ទាប​ច្របាច់ ឬ​សួរនាំ​ពី​អាកា​រអ្វី​នោះ​ទេ គ្រាន់តែ​អ្នកជម្ងឺ​មក​ឈរ​ទល់​មុខ​គ្រូ មិន​ដល់​១​នាទី​ផង​នោះ គ្រូ​ក៏​ដឹង​បាន​ថា​អ្នកជម្ងឺ​នោះ​ឈឺ​អ្វី ហើយ​ត្រូវ​ប្រើ​ថ្នាំ​រុក្ខជាតិ​អ្វី​ សំរាប់​ព្យាបាល​បាត់​ទៅ​ហើយ​។

ប្រជាពលរដ្ឋ​ដែល​ធ្លាប់​បាន​ ទៅ​រក​ការ​ព្យាបាល​ពី​គ្រូ​ស្រី បារមី​អ្នក​សច្ចំ​សណ្ឋិត​នេះ​ បាន​អះអាង​ដូច​ៗ​គ្នា​ថា គ្រូ​ស្រី​ព្យាបាល​ដោយ​គ្មាន​យក​លុយកាក់ ឬ​របស់​ទំ​នឹ​ប​អ្វី​ទាំងអស់ ហើយ​ក៏គ្មាន​លក់​ថ្នាំ​រុក្ខជាតិ​អ្វី​ដែរ ពេល​ដែល​ដឹង​ថា​ អ្នកជម្ងឺ​ត្រូវ​នឹង​ថ្នាំ​រុក្ខជាតិ​អ្វី​ហើយ គ្រូ​ស្រី​ក៏​ប្រាប់ឱ្យ​អ្នកជម្ងឺ​ ឬសាច់ញាតិ​អ្នកជម្ងឺទៅ រ​កកាប់​ស្ទួ​ស​រុក្ខជាតិ​ទាំងនោះ យក​មក​ឱ្យ​គ្រូសូត្រ ផ្លុំ​ប្រសិទ្ធី​ឱ្យ រួច​ក៏​យក​ទៅ​ដាំទឹក​ផឹក​តែ​ម្តង ដោយ​គ្មាន​ទាមទារ​អ្វី​ទាំងអស់ ប៉ុន្តែ​ពេល​ដែល​អ្នកជម្ងឺ​ផឹកថ្នាំ​ជា​ហើយ ត្រូវ​យក​អង្ករដំណើប​១​កំប៉ុង ស្រា​១​កូន​ពែង និង​ធូប​៥​សសៃ មក​ទ្រាស​ឱ្យ​គ្រូ​វិញ រួច​ទើប​យក​ទៅ​បណ្តែត​ទឹក ​ចោល​នៅ​តាម​ដង​ទន្លេ​។
ពាក់​ព​ន្ធ័​នឹង​ប្រវត្តិ របស់​គ្រូ​ស្រី​ក្រមុំ​ម្នាក់​នេះ ត្រូវ​បាន​សាច់ញាតិ​ប្រាប់​ឱ្យ​ដឹង​ថា នាង​ឈ្មោះ នៅ សា​ប៉ូ អាយុ​២៣​ឆ្នាំ សព្វថ្ងៃ ​កំពុង​រស់នៅ​ជាមួយ​ ឳ​ពុក​ម្តាយ​ក្នុង​លំនៅ​ដ្ឋា​ន​មួយ​កន្លែង ដែល​ស្ថិត​ក្នុងភូមិ​ពាម​កោះ ឃុំ​ពាមរ​ក៌ ស្រុក​ពាមរ​ក៌ ខេត្តព្រៃវែង​។

ដំបូង​ឡើយ កញ្ញា នៅ សា​ប៉ូ គ្រាន់តែ​ជា​ក្មេង​ស្រី​ធម្មតា​ម្នាក់​ប៉ុណ្ណោះ ហើយ​មិន​ធ្លាប់​បាន​ទៅ​សិក្សា​វិជ្ជាពេទ្យឬក៏​រៀន​បាលី​មន្តអាគម​នៅឯណា​នោះ​ ទេ ជា​រៀងរាល់ថ្ងៃ​នាង​ នៅ​តែ​ក្នុងផ្ទះ​ធ្វើ​ការងារ​ផ្ទះ និង​ពេលទំនេរ​ខ្លះ​ៗ​នាង​ចេញ​ទៅ​លេងអុក​ជាមួយ​តា​ៗ​ក្នុងភូមិ នៅ​តាម​រោង​កាហ្វេ​ជិត​ៗ ផ្ទះ​ប៉ុណ្ណោះ​។
ប៉ុន្តែ​កាលពី​៤-៥​ខែ​មុន​នេះ ម្តាយ​របស់​នាង​បាន​ធ្លាក់ខ្លួន​ឈឺ​ធ្ងន់ ហើយ​បាន​ទៅ​រក​គ្រូពេទ្យ ​ព្យាបាល​គ្រប់កន្លែង និង​ចំណាយ​លុយកាក់​ឡើង​អស់ពី​ផ្ទះ នៅ​តែ​មិនជា រហូត​ដល់​ចុង​ក្រោយ គ្រូពេទ្យ​ប្រាប់​ថា​អស់​លទ្ធភាព ​ព្យាបាល​ហើយ ឱ្យ​យក​មក​ផ្ទះ​វិញ​ទៅ ពេល​យក​មក​ផ្ទះ​មិន​បាន​ប៉ុន្មាន​ថ្ងៃ​ផង ស្រាប់តែ​មាន​បារមី​អ្វីមួយ​មក​ខ្សឹប ​ដាក់​ត្រចៀក​នាង ប្រាប់​ឱ្យ​ជួយ​ព្យាបាល​ជម្ងឺ​អ្នកស្រុក ដោយ​បារមី​នោះ​នៅ​ ឈរ​ប្រាប់​ពីក្រោយ​ខ្នង ហើយ​ដំបូង​គឺ​ជួយ​ព្យាបាល​ម្តាយ​របស់​នាង ដោយ​ស្ទួ​ស​សំបក​ដើម​ម្កាក់​ យក​មក​ដាំទឹក​ឱ្យ​ម្តាយ​ផឹក​ បាន​តែ​២​កូន​កែវ ស្រាប់តែ​ម្តាយ​នាង​មាន​អាកា​រ​ធូរស្រាល ងើប​អង្គុយ​បាន​ និង​ទារ​ហូប​នេះ​ហូប​នោះ លុះ​ផឹក​បាន​៤-៥​ថ្ងៃ​ក៏​ជា​សះស្បើយ​ទើប ​ព័ត៌​មាន​នេះ​ល្បី​ត​ៗ​គ្នា រហូត​ភ្ញាក់ផ្អើល​អ្នកស្រុក​គ្រប់​ទីកន្លែង នាំ​គ្នា​មក​សុំ​ឱ្យ​គ្រូ​ស្រី​ជួយ​ព្យាបាល ហើយពី​មួយ​ថ្ងៃ​ទៅ​មួយ​ថ្ងៃ​ចំនួន​អ្នកជម្ងឺ​ចេះ​តែ​កើត​ច្រើន​ទៅ​ៗ គិត​ចាប់ពី​ថ្ងៃ​ទី​២៣​សីហា រហូត​មក​ដល់​ថ្ងៃ​ទី​៧​កញ្ញា​នេះ គឺ​មាន​ចំនួន​រហូត​ដល់​ទៅ​ ១៤​ម៉ឺន​នាក់​ទៅ​ហើយ ហើយ​អ្នកជម្ងឺ​ទាំងនោះ​ភាគច្រើន​ ជា​មនុស្ស​នៅ​ក្នុង​ខេត្តព្រៃវែង និង​មាន​ខ្លះ​ទៀត​មក​ពី​ខេត្តស្វាយរៀង កណ្តាល និង​កំពង់ចាម​ផង​ដែរ​។

គួរ​បញ្ជាក់​ផង​ដែរ​ថា ដោយសារ​តែ​មាន​អ្នកជម្ងឺ ​នាំ​គ្នា​មក​រក​ការ​ព្យាបាល ពី​គ្រូ​ស្រី​ច្រើន​ពេក នៅ​ព្រឹក​ថ្ងៃ​ទី​៧​ កញ្ញា​នេះ គេ​បានឃើញ​មាន​មន្ត្រី​ខាង​មន្ទីរ​សុខាភិបាល​ខេត្ត បាន​ចុះ​មក​ពិនិត្យ​ និង​សួរនាំ​គ្រូ​ស្រី​ផង​ដែរ ប៉ុន្តែ​ត្រូវ​បាន​សាច់ញាតិ​គ្រូ​ស្រី ក៏​ដូច​ជា​ក្រុម​អ្នកជម្ងឺ​ស្នើ​សុំ​ឱ្យ​គ្រូ​ស្រី​ ពិនិត្យ​ព្យាបាល​អ្នក​ជ​ម្ងឹ​ឱ្យ​អស់​សិន ទើប​ឱ្យ​គ្រូ​ស្រី​ជួប​ជាមួយ​មន្ត្រី​ជំនាញ ហើយ​គ្រូ​ស្រី​ក៏​អះអាង​ថា រីករាយ​នឹង​បំភ្លឺ​នូវ​រាល់​អ្វី​ដែល ​ខាង​មន្ត្រី​ជំនាញ​ចង់​ដឹង​ដែរ​។

ប៉ុន្តែ​នៅ​ខណៈ​ពេល​ដែល​មាន​ក្រុម ​អ្នក​សារ​ព័​ត៌​មាន​ចុះ​ ទៅ​យក​ព័​ត៌​មាន បែរជា​គ្រូ​ស្រីហាម​មិន​ឱ្យ​ ថតរូប​របស់​ខ្លួន​ទៅ​វិញ ដោយ​អះអាង​ថា មិន​ចង់ឱ្យ​ចុះ​ផ្សាយ​ព័​ត៌​មាន​នេះ​ទេ ព្រោះ​បើ​ចុះ​ផ្សាយ​ដឹងឮ ជា​សាធារណៈ​ទៅ ធ្វើ​ឱ្យ​មនុស្ស​ភ្ញាក់ផ្អើល និង​សំរុក​មកសុំ​ឱ្យជួយ​ព្យាបាល​ កាន់តែ​ច្រើន​ទៅ​ៗ នោះ​គ្រូ​ស្រី​ពិតជា​គ្មាន​បាន ​សំរាក​នោះ​ទេ​។

ដោយឡែក​លោក សេង បញ្ញា​រិ​ទ្ធិ ប្រធាន​មន្ទីរ​សុខាភិបាល​ខេត្តព្រៃវែង បានឱ្យកោះសន្តិភាព​ដឹង​តាម​ទូរ​សព្ទ័​ថា លោក​ចាត់​ឱ្យមន្ត្រី​ជំនាញ​ចុះ​ទៅ​នោះ គឺ​ដើម្បី​ចង់​ដឹង​ថា តើ ការ​ពិនិត្យ​ព្យាបាល​របស់​គ្រូ​ស្រី​នោះ ត្រឹមត្រូវ​ទៅ​តាម​បច្ចេកទេស​ ឬ​អត់​តែ​ប៉ុណ្ណោះ ប៉ុន្តែ​ពេល​មន្ត្រី​របស់​លោក​ចុះ​ទៅ​ដល់​ ខាង​គ្រូ​ស្រី​នោះ​មិន​ព្រម​សហការ​ ជាមួយ​មន្ត្រី​ជំនាញ​ទេ​។

លោក​បាន​បញ្ជាក់​ថា តាម​ផ្លូវច្បាប់​ការ​បើក​ពិនិត្យ​ ព្យាបាល​ជម្ងឺ​របស់​គ្រូ​ស្រី​នេះ គឺ​ខុសច្បាប់ហើយ ដូច្នេះ​លោក​បាន​ផ្តល់​ ព័​ត៌​មាន​នេះ​ទៅ​ខាង​អាជ្ញាធរ​ខេត្ត​ និង​ស្រុក​ហើយ ដើម្បី​ចាត់វិធានការ ប៉ុន្តែ​ខាង​ស្រុក​ចាត់ការ ​បែប​ណា​នោះ​លោក​ នៅ​មិន​ទាន់​ដឹង​នៅឡើយ​ទេ​។​

ចំណែក​លោក ជុំ សា​មឿ​ន អភិបាលស្រុក​ពាមរ​ក៍បានឱ្យដឹង​ដែរ​ថា ចំពោះ​ករណី​នេះខាង​ស្រុក​មិន​មាន​វិធានការ​អ្វី​ទេ ព្រោះ​គ្រូ​ស្រី​ជួយ​ព្យាបាល​ជម្ងឺ​ ជូន​អ្នកស្រុក​ដោយ​ មិន​យកប្រាក់​កំ​រ៉ៃបែប​នេះ វា​គឺជា​រឿង​ល្អ ដូច្នេះ​ស្រុក​មាន​តែ​ជួយ​បង្ក​លក្ខណៈ​ងាយស្រួល និង​ចាត់ឱ្យ​សមត្ថកិច្ច​ ទៅ​ជួយ​ការពារ​សន្តិសុខ ​ថែម​ទៀត​ផងដើម្បី​កុំឱ្យ ​មាន​បញ្ហា​អ្វី​កើតឡើង​៕







☆L☆♥☆O☆♥☆V☆♥☆E☆♥☆K☆♥☆H☆♥☆M☆♥☆E☆♥☆R
One  Life  One  Love  One  Commitment.
Kru Srey Kromom Roses041  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Roses041
View user profile http://www.lovekhmer.com

2Kru Srey Kromom Empty Re: Kru Srey Kromom on 7th September 2015, 11:36 pm

sreymomrith

sreymomrith
Administrator
Administrator
Kru Srey Kromom C45bfb86c55b93cbbd153f7d142d8035674bc491


☆L☆♥☆O☆♥☆V☆♥☆E☆♥☆K☆♥☆H☆♥☆M☆♥☆E☆♥☆R
One  Life  One  Love  One  Commitment.
Kru Srey Kromom Roses041  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Amour  Kru Srey Kromom Roses041
View user profile http://www.lovekhmer.com

Back to top  Message [Page 1 of 1]

Permissions in this forum:
You cannot reply to topics in this forum